Денеска во рамките од 27. коло во најсилното англиско фудбалско првенство екипата на Манчестер јунајтед ја оправда фаворитската улога против Ватфорд (3:0).

Гол серијата ја започна новото зимско засилување Бруно Фернандеш кој на еден интересен начин во 42. минута реализираше удар од белата точка за водство.

Потоа, во 58. минута една мајсторија приреди Марсијал, а конечниот епилог го постави Гринвуд после асистенцијата на Фернандеш во 75. минута на „Олд Трафорд“.

Вулверхемптон има многу добра сезона во Премиер лигата, Жота со два голови во првото и Хименез во второто полувреме обезбедија три бода за својот клуб против Норич (3:0).

Вулверхемптон моментно е на осмото место со 39 бодови, само два помалку зад петтопласираниот Манчестер јунајтед.