Карло Анчелоти, менаџерот на Евертон, истакнува дека клубот има големи амбиции во новата сезона. Екипата од Ливерпул лани го освои 12 место, што е најлош пласман од 2004 година кога натпреварувањето го заврши на 17 позиција.

За искусниот италијански стратег, кој трипати ја освојуваше Лигата на шампионите, минатогодишниот настап беше големо разочарување, иако седна на клупата на крајот од 2019 година кога се бореше за опстанок.

– Минималната цел на Евертон да се бори за место во европските натпреварувања. Имаме желба, амбиции и добра екипа. Верувам дека тоа е достижно – рече 61-годишниот Анчелоти.

? ?????? ??????? ?

Can it be Sunday yet? ? #TOTEVE pic.twitter.com/whSS4INWVK

— Everton (@Everton) September 11, 2020

Во текот на летниот период Италијанецот успеа во редовите на Евертон да ги донесе Бразилецот Алан од Наполи, Французинот Абдулај Дукуре (Ватфорд) и Колумбиецот Хамес Родригез од Реал Мадрид.

– Презадоволен сум од играчите, кои ги имам на располагање. Клубот направи фантастична работа, Алан, Дукуре и Родригез беа нашиот приоритет. Сега мораме да направиме сè за да имаме одлична сезона, да бидем конкуретни во сите натпреварувања.

Очекувам екипата да расте како што поминува сезоната. Секако доколку се појави некој интересен на пазарот, ќе реагираме. Но, и доколку останеме во овој состав, нема да имам ништо против – додаде Анчелоти.

Евертон во првото коло од новата премиерлигашка сезона му гостува на Тотенхем в недела од 17.30 часот.