Премиер лига: Алонсо за нова радост на Челзи! (ВИДЕО)
Денеска во рамките од деветтото коло во најсилната англиска фудбалска лига составот на Челзи ја забележа петтата победа (трета по ред) оваа сезона остварена дома над Њукасл (1:0).
Во 73 минута од средбата на „Стемфорд Бриџ“ се движеше еден напад околу казнетиот простор на гостите, Хадсон-Одои му асистираше на Алонсо кој шутираше со левата нога и ја затресе мрежата на Дубравка.
На табелата лондонските „сини“ ја делат втората позиција со Лестер со по 17 бодови, додека Њукасл е во опасната зона за испаѓање на 18 место со осум бодови.
Тотенхем повторно ги разочара своите навивачи играјќи само 1:1 против Ватфорд кој уште водеше уште во шестата минута со голот на Дукуре.
Во 86 минута фудбалерите на Покетино успеаја барем да го избегнат поразот, благодарение на грешката на голманот Фостер кој не реагираше најдобро, тоа го искористи Али за поставување на конечниот епилог.
Премиер лига, 9. коло
Сабота –
Евертон-Вест Хем 2:0
Астон Вила-Брајтон 2:1
Борнмут-Норич 0:0
Челзи-Њукасл 1:0
Лестер-Барнли 2:1
Тотенхем-Ватфорд 1:1
Вулверхемптон-Саутемптон 1:1
Кристал Палас-Манчестер сити 0:2
Табела: Ливерпул 24 бодови, Манчестер сити 19, Лестер 17, Челзи 17, Арсенал 15…