Премиер лига: Агуеро испиша историја, Сити ја декласираше Астон Вила! (ВИДЕО)
„Граѓаните“ и натаму се далеку зад водечкиот Ливерпул, додека Ватфорд исто така на убедлив начин ги освои бодовите кај тимот на Борнмут (0:3).
Денеска се одиграа два натпревари од 22. коло во најсилното англиско фудбалско првенство, составот на Манчестер сити ја декласираше Астон Вила со 1:6, а Ватфорд со 0:3 беше подобар од Борнмут.
„Граѓаните“ предводени од менаџерот Пеп Гвардиола ја оправдаа фаворитската улога на теренот во Бирмингем за вкупно 15. победа сезонава во Премиер лигата.
Хет-трик забележа Серхио Агуеро, двапати во листата на стрелците се запиша Марез, а еден погодок беше дело на Габриел Жезус после асистенцијата на Де Брујн непосредно пред паузата. Единствениот гол за домаќините беше реализиран од пенал во финишот (90+1) преку Ел-Гази.
12 – The most hat-tricks in @premierleague history:
12 @aguerosergiokun
11 @alanshearer
9 @Robbie9Fowler
8 @ThierryHenry, @HKane, @themichaelowenList.
— OptaJoe (@OptaJoe) January 12, 2020
Еве и уште неколку интересен податок, Давид Силва сега има 21 асистенции до Агуеро во Премиер лигата, само три повеќе има Френк Лампард до Дидие Дрогба.
Серхио Агуеро сега има најмногу реализирани хет-трика (12) повеќе од било кој друг играч во Премиер лигата, надминувајќи го легендарниот Алан Ширер.
Ватфорд ги освои трите бода на гостувањето кај Борнмут (0:3). благодарение на головите на Дукуре, Дини и Перејра.
Сити се наоѓа на второто место на табелата со 47 бодови, далеку зад водечкиот Ливерпул кој има 61 бод, а и еден меч помалку.
