По две недели, граничните премини на северот на Косово, Јариње и Брњак, се отворени и може да се минат со автомобил , со задолжително вметнување државни симболи на регистарските таблички издадени од властите на Косово и Србија.

Мерката за лепење државни симболи ќе се примени на сите други гранични премини врз основа на привремено решение што двете страни го постигнаа на 30 септември во Брисел со цел да се деескалира ситуацијата во северно Косово.

Мнозинството српско население кое живее во општините на северот на Косово, ги блокираа Јариње и Брњак тринаесет дена поради одлуката на Владата на Косово да спроведе реципрочни мерки кон Србија во врска со регистарските таблички

Во последните десет години, граѓаните на Косово, кои имаат таблички РКС, можеа да влезат во Србија само со пробни таблички издадени од српските институции.