Антикорупциската комисија на денешната седница донесе одлука да се поднесе прекршочна пријава против актуелната в.д. директорка на Клиниката за хематологија, Ирина Пановска, бидејќи ненавремено го поднела анкетниот лист.

-Пановска е именувана на 04.08.2017 година. Според законот има обврска при секое ново назначување да поднесува анкетен лист, односно на секои шест месеци, бидејќи одново и се продолжува функцијата в.д. директор. Иако имала обврска четири пати до сега да поднесе завршен анкетен лист и потоа одново бидејќи е четирипати повторно именувана за в.д. директор, таа на 15.05 доставила анкетен лист за сите именувања одеднаш. Констатираме дека тоа е ненавремено поднесување – рекоа од Антикорупциска.

Комисијата против Пановска претходно отвори предмет за можна корупција при тендерска постапка, односно тендер на Хематологија кој го добил фирма во сопственост на нејзиниот татко.