Прекинат македонскиот ракомет на неодредено време
Одлуката на РФМ е донесена согласно препораките од страна на Министерството за здравство за превенција од вирусот COVID – 19 и согласно уредбите од Владата.
Раководството на Ракометната Федерација на Македонија донесе одлука за прекин на неодредено време на националното ракометно првенство во Супер и Прва машка ракометна лига, натпреварите од Женската ракометна лига, како и сите натпревари во младинските категории.
– Ваквата одлука на РФМ е донесена согласно препораките од страна на Министерството за здравство за превенција од вирусот COVID – 19 и согласно уредбите од Владата на Република Северна Македонија за превенција од вирусот COVID – 19.
Првите луѓе на македонскиот ракомет ќе ја следат состојбата и навремено ќе ги извести сите засегнати доколку се создадат услови за продолжување на активностите во рамките на РФМ.
Претходно федерацијата исто така заедно со ЕХФ донесоа одлука за одложување и на националните квалификациски натрпревари.
Се одложи собирот на женската сениорска репрезентација во рамките на ЕХФ неделата (16-29 март 2020 година) и квалификациските мечеви со Португалија.