ПРЕГОВОРИ ВО КОСОВО: Курти и Мустафа не постигнаа договор за нова влада

Заврши средбата помеѓу лидерите на Самоопределување, Албин Курти и на Демократската Лига на Косово, Иса Мустафа. Двајцата лидери не успеаја да се договорат за коалиција меѓу двете партии, пишуваат тамошните медиуми.

После средбата, лидерот на Самоопределување Албин Курти, изјави дека разговорите со Мустафа ќе продолжат.

– Кога ќе имаме конечен договор, истиот ќе го преставиме пред јавноста. Денешната средба завршува, јас ќе бидам во директен контакт со претседателот на ДЛК за да одредиме кога ќе се сретнеме повторно, за да постигнеме договор – истакна Курти.

Лидерот на Демократската Лига на Косово, Иса Мустафа, изјави дека со Самоопределување не се согласиле за неколку работи и потврди дека постојат разлики помеѓу двете партии.

– Имавме многу содржаен разговор, бидејќи без вакви разговори тешко е да се постигне соработка која ќе биде стабилна и ќе трае четри години. Нормално, имаме согласност околу владината програма, има работи кои сме ги дискутирале денеска и за кои работиме за да најдеме решение. Денеска нема договор за коалиционирање, има договор да продолжиме и да го најдеме патот како да ги приближиме нашите ставови – истакна Мустафа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот