Предметот за случајот Новартис доставен во грчкиот Парламент

Фото:EPA-EFE/ORESTIS PANAGIOTOU

Предметот за случајот Новартис што се однесува на поранешниот грчки премиер Алексис Ципрас и поранешниот алтернативен министер за правда на Грција, Димитрис Папангелопулос, согласно Уставот и законот за „Кривична одговорност на министрите” денес беше доставен и соопштен во грчкиот Парламент, jави дописничката на МИА од Атина.

По обвинувањата на политичари и судии дека случајот со фармацевтската компанија Новартис е наместен, обвинителството на Врховниот суд на Грција, спроведе истрага, го состави предметот и случајот го достави до Парламентот.

Пратениците од владејачката партија, Нова демократија ќе одлучат кои ќе бидат следните чекори за поранешниот премиер и поранешниот министер, а веројатно е дека ќе побараат прелиминарна истрага за што потребни се потписи од најмалку 30 пратеници, но само за Папангелопулос, а не и за Ципрас.

Според грчките медиуми, овој заклучок произлегува од ставот што Кирјакос Мицотакис го изразил пред неговите соработници, дека неговите политички противници, тој не ги испраќа на суд, бидејќи „премиерите се оценуваат на избори, во свеста на граѓаните и на страниците од историјата.”

Поранешниот алтернативен министер за правда од владата на СИРИЗА, за кој веројатно ќе се отвори истрага, минатата година, во изјава за медиумите, случајот со фармацевтската компанија „Новартис”,го карактеризираше како еден од најголемите скандали во Грција.

Тогаш, осомничени за вмешаност и корупција беа поранешни министри и премиери на Грција, а за дел од нив, предметите веќе се затворени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот