Денеска со мнозинство гласови членовите на Кoмисијата за европски прашања одлучија Законот за јавното обвинителство да оди на пленарна седница. Амандманите на Сурија Рушити од Алијансата за Aлбанците беше отфрлен, а Комсијата не расправаше за амандманот на пратенiкот Панчо Минов, бидејќи не бил уредно доставен. Амандманот беше најавен но не и архивиран во собраниските служби. За време на расправта Минов тоа не го стори, појасни Артан Груби.

– Во рекордно време Собранието ја заврши расправата за двата закони и за јавното обвинителство и за Советот на јавните обвинтели. Не беше прифатен ниту еден амандман. Сега се е во рацете на претседателот на собранието Талат Џафери кој, откако ќе утврди дали има двотретинско мнозинтво, ќе ја свика пленарната седница – рече претседателот на Комисијата за европски прашања Артан Груби.

Според Груби, сите барања на ДУИ веќе се инкорпорикрани во двата текста на закони и во Законот за јавно обвинителство и за Советот на јавните обвинители.

– Успеавме да воведеме Бадентер, во изборот на сите јавни обвинители, при нивниот избор во одделенијата за организиран криминал и корупција, целосната еднаква службена употреба на албанскиот јазик согласно Законот за употреба на јазиците, како и намалување на критерумите за избор на јавните обвинтели така што ќе се обезбеди правична застапеност во Обвинителствата – рече Груби.