Во текот на вчерашниот ден се најавуваше, денеска клубот официјално потврди на својот клупски сајт дека Марсело Биелса уште една сезона ќе го води клубот од „Иланд роуд“.

Аргентинскиот менаџер ќе биде на клупата на Лидс и во наредната 2020/21 ќе се обиде да се претстави на најдобар можен начин во Премиер лигата каде што екипата се враќа после 16 години.

✍️ #LUFC are pleased to confirm Marcelo Bielsa has signed a new one-year deal with the club

— Leeds United (@LUFC) September 11, 2020

Езџан Алиоски после обврските со најдобрата македонска репрезентација, ќе им се врати на клупските обврски на Лидс кој својот прв меч во новата премиерлигашка сезона ќе го има утре (12 септември, сабота) со почеток од 18.30 часот на „Енфилд“ против актуелниот шампион Ливерпул.

На клупата стартуваше со триумф од 3:1 над Стоук сити на домашен терен во август 2018 година, севкупно на 100 натпревари имаше учинок од 56 победи, 17 нерешени и 27 порази во две сезони.

Во Чемпионшип минатата сезона го освои првото место, а во ова натпреварување нашиот интернационалец Алиоски запиша 39 настапи и пет голови.

Лампард сака титула, но според обложувалниците Челси нема да биде шампион! (ФОТО)