Дејвид Бекам веќе со години е на мета на критичарите бидејќи своите деца ги бакнува во уста. Со последната објава тој повторно предизвика револт и негативни коментари кај поголем дел од јавноста. Повеќето корисници на социјалните мрежи се согласија дека неговото однесување е неприкладно и недолично.

Освен што објави фотографии од лизгачките способности на ќерка му, објави и фотка на која ја бакнува во уста 8-годишната ќерка Харпер, а неговите фанови не беа воодушевени од тој негов потег.

„Ова почнува да изгледа како вистински Божиќ“, напишал Бекам во опис на фотографијата за која собрал повеќе од 6.000 коментари.

„Мислам дека ова не е начин на кој треба да се бакнува ќерката“, „Срами се од однесувањето кон ќерка ти и што ја учиш на такви грозотии“, „Не мислиш дека е чудно тоа што го правиш?“, се само некои од коментарите на Инстаграм.

Пред извесно време Бекам се обиде да ја објасни својата постапка која на многумина не им се допаѓа.

„Многу сум близок со своите деца и сите ги бакнувам така освен најстариот син Бруклин. Тој има 19 години па тоа би било многу чудно“, изјавил Бекам, додавајќи дека ќе престане да го прави тоа кога децата ќе влезат во тинејџерски години.