Прилично несекојдневен момент се случи на натпреварот помеѓу Мајорка и Барселона во рамките од 28 коло на најсилната шпанска лига.

Еден навивач успеа на почетокот од второто полувреме да влезе на теренот, иако според протоколот натпреварите до крајот на сезоната треба да се играат пред празни трибини.

Обезбедувањето веднаш реагираше, а со оглед на забраната за присуство на навивачите и прекршување на правилата и мерките поврзани со коронавирус, според информациите се очекува тинејџерот да биде строго казнет.

Barcelona and Mallorca were playing a match today in a stadium with no fans and THERE STILL MANAGED TO BE A PITCH INVADER. pic.twitter.com/tRGZOUdKA1

— Jeff Eisenband (@JeffEisenband) June 13, 2020

Влета на теренот во дрес на Аргентина со име Лионел Меси и се обиде да се слика со ѕвездата на Барселона. Во тоа не успеа, доби слика со Жорди Алба, но и таа мораше да ја избрише.

– Ова го планирав и пред коронавирусот. Меси е мој идол и сонував да го запознам и да имам слика како спомен. Ја прескокнав оградата висока два метри, дојдов на трибините и потоа истрчав на теренот. Прво го забележав Жорди Алба и се сликав со него, а потоа отидов до Меси. Тој не сакаше да се слика – рече младиот човек за шпанските медиуми.

На крајот, полицијата мораше да избрише сè што тој сними и фотографираше.

– Тие ме натераа да ги избришам фотографиите. Мојот план не успеа и полицијата ќе ме извести дали ќе покренат постапка против мене – додаде разочараниот тинејџер по мечот.