Пратениците ѝ изгласаа доверба на новата романска Влада

Фото: МИА

Новата романска Влада на либералдемократите на Лудовик Орбан денеска во парламентот го „преживеа” гласањето доверба.

-Ви благодарам и имајте доверба во нас, изјави Орбан, по објавувањето на резултатот од гласањето, јави БТА.

-За доверба на владата гласаа 240 пратеници, изјави сенаторот Силвија Диника.

Владата на Орбан, која неодамна го замени кабинетот на социјалдемократите предводен од Виорика Данчила, за да добие доверба требаше да има најмалку 233 гласови, пренесоа британските медиуми.

Романскиот сајт Зиаре забележува дека во гласањето учествувале неколку парламентарци од партијата „Про Романија” и еден сенатор од Социјалдемократската партија (СДП) и покрај тоа што лидерите на двете нејзини фракции Виктор Понта и Виорика Данчила, се заканија дека ќе го исклучат од нивните редови секој оној што ќе гласа на новата влада составена од либералите.

-Романија веќе има легитимна влада која доби доверба во парламентот, и покрај срамниот бојкот од страна на две политички партии, што е факт без преседан во романската демократија во текот на последните 30 години, истакна Орбан.

Тој им заблагодари на партнерите на НЛП, но и на парламентарците кои „ја послушаа својата совест и на прво место го ставија доброто на Романија”.

Вечерва во претседателската палата ќе се оддржи церемонијата на положување заклетва за стапување на должноста пред претседателот Клаус Јоханис.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот