Пратеничката Поцкова позитивна на коронавирус
Во Собранието регистриран е и трет случај на коронавирус меѓу пратениците. Пратеничката Јадранка Поцкова од редовите на ВМРО-ДПМНЕ е позитивна на коронавирус, откако деновиве тоа го објавија пратениците Исмаил Јахоски од ДУИ и Лазе Таневски од СДСМ.
Денеска на координација кај претседателот на Собранието Талат Џафери, пратеничките групи не постигнаа согласност за прекин на работата со физичко присуство, па дебатата на координаторите на групите продолжува кај Џафери и следниве денови.
Опозициската ВМРО-ДПМНЕ не ја прифаќа идејата пратениците да работат од дома, онлајн додека трае пандемијата, сметајќи го тоа како неуставно.
Во Уставот пак, не е забранува односно не кажува децидно на какви седници Собранието треба да работи. Владата веќе одлучи да одржува седници онлајн и тоа ќе го стори и денеска попладне и се очекува да ги усвои новите мерки предложени од Комисијата за заразни болести за да се спречи ширење на заразата поради големиот број инфицирани од коронавирусот.