Познато до кога Ѓоковиќ мора да се вакцинира за „Австралија опен“
Сагата продолжува, и натаму се поставува прашањето дали Новак Ѓоковиќ ќе се појави на својот омилен Грен слем турнир во Мелбурн, Австралија.
За потсетување, откако директорот на „Австралија опен“, Крег Тајли изјави дека на првиот Грен слем сезонава ќе можат да учествуваат само вакцинирани играчи, сите се прашуваа што ќе биде со Ѓоковиќ.
Ноле по завршниот Мастерс во Торино немаше јасен одговор дали ќе замине во Мелбурн.
– Ќе видиме. Ќе треба да почекаме и да видиме – беа зборовите на првиот светски рекет Ѓоковиќ.
Австралиските медиуми не престануваат да се занимаваат со овој случај, па ја пренесоа изјавата на некогаш најдобриот играч на светот во дубл, Тод Вудбриџ, кој има јасна порака за Србинот
– Листата за влез на „Австралија“ опен се затвора шест недели пред турнирот, значи на 6 декември. Но, реалноста е дека доколкју сака да игра во АТП купот и да има тренинзи во Австралија, најверојатно ќе мора да се вакцинира оваа недела – рече Вудбриџ.
Имено, на 6 декември со сигурност ќе се знае дали ќе го видиме Ѓоковиќ во Мелбурн, дотогаш ќе се вртат само шпекулации.
Шмекерски потег на Зверев, бара од Австралија да направи исклучок за Ѓоковиќ