Познати сите учесници во СЕХА, Вардар се наоѓа во групата А
Нов формат на натпреварување имаме од наредната сезона, наместо една, сега се формирани две групи, „А“ и „Б“. Секоја група ќе има по шест тима, бранителот на трофејот Вардар се наоѓа во групата А, а Еурофарм Работник кој дебитира се најде во групата Б.
Има неколку новајлии во СЕХА, како што се најавуваше ќе се натпреварува и кинески клуб, станува збор за Пекинг Спорт Универзити кој ќе ги одмери силите во групната фаза против битолчани.
‼️9th SEHA – Gazprom League season is ahead of us‼️It's time to meet our 12 participants! ?♂️ #SEHALeague #Gazprom #experiencehandball pic.twitter.com/W1KZJzfNiL
— SEHA-GAZPROM LEAGUE (@SEHALeague) July 19, 2019
Претходно се говореше дека поради политика Украина ќе му забрани на Мотор Запорожје да игра во регионалната лига, бидејќи главниот спонзор е руската компанија „Газпром“, а таа земја не сака на своја територија да го рекламира тој руски нафтен гигант.
И покрај тоа, СЕХА го промовираше Мотор Запорожје како нов учесник и ќе биде во групата А играјќи против Вардарци.
СЕХА Газпром лига (сезона 2019/20)
Група А
Вардар (Македонија)
Нексе (Хрватска)
Татран Прешов (Словачка)
Војводина (Србија)
Грундфос Татабања (Унгарија)
Мотор Запорожје (Украина)
Група Б
ППД Загреб (Хрватска)
Мешков Брест (Белорусија)
Еурофарм Работник (Македонија)
Металопластика Шабац (Србија)
Веспрем (Унгарија)
Пекинг Спорт Универзити (Кина)
Првите натпревари во новата деветта по ред сезона на СЕХА лигата ќе се играат на 3 и 4 септември 2019 година со термини од 17.15, 19.00 и 20.45 часот. Наскоро ќе биде објавен и целиот распоред на натпреварите.
