Познати се сите учесници во ЛШ од италијанската Серија А

фото: EPA-EFE/ELISABETTA BARACCHI

Вечерва Рома ги загуби сите шанси да биде на местата кои водат во групите на Лигата на шампионите за следната сезона.

На својот „Олимпико“ во Рим играчите на Жозе Мурињо одиграа само без голови 0:0 против Болоња.

На ова реми најмногу се радуваше Јувентус кој и официјално не може да заврши под четвртото место.

„Старата дама“ претходно ја заврши својата обврска откако на домашен терен триумфираше со 2:1 над Венеција.

Така, познати се сите учесници од италијанската Серија А кои ќе партиципираат следната сезона во групната фаза на ЛШ, тие се Милан, Интер, Наполи на македонскиот репрезентативец Елиф Елмас и Јувентус.

На три кола до крајот на сезоната во шампионатот и натаму се води битка за Скудетото, Милан е прв со 77 бодови, два повеќе од Интер, трет е Наполи (70), а четвртопласиран е Јувентус (69), 10 повеќе од петтопласираната Рома.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот