Популарната Беѓузар Корел ги освои срцата на многумина со улогата на Шехерезада во серијата „1001 ноќ“, а тоа се случуваше каде и да се појави во јавноста. Висока, витка, со прекрасни црти на лицето, популарната турска актерка и кога ја менува фризурата секогаш добива само пофалби од фановите.

Но, изгледа дека турската јавност овој пат е многу остра спрема неа. Всушност, иако пред само 4 месеци се породи и на светот го донесе второто дете, критиките на сметка на прекрасната Шехерезад изненадија многумина.

Среќна и задоволна со својот живот, Беѓузат одлучила со семејството да помине неколку дена на море, а нејзините фотографии во костим за капење го заобиколија светот за многу кратко време. Турските медиуми овој пат се многу остри спрема актерката па некој од натписите се „Познатата актерка Беѓузар Корел привлече внимание со својата прекумерна тежина“.

Иако на нејзиното тело се гледа некој килограм плус што настанал за време на бременоста, сепак критиките се преостри бидејќи тоа е сосема нормална појава кај секоја жена. Дека коментарите се невкусни докажува фактот што истите не само што се однесувале на нејзината тежина, туку и на нејзиниот целулит.

Додека едни остро ја осудуваат прекрасната актерка и сметаат дека како јавна личност мора брзо да се врати во форма, на другите тоа им е нереално.

„Во природа на жената е да раѓа и нејзиното тело да се менува за време на целиот процес“, гласи  еден од коментарите на нејзините фанови кои застанаа во одбрана.

Актерката изгледа одлично, зарем не?