Познатата плус сајз манекенка откри дека едвај го преживеала породувањето: Не беше лесно, но вредеше

ешли греам
Ешли Греам / Фото: Принтскрин/Инстаграм

Плус сајз моделот Ешли Греам во јануари стана мајка на близнаци, а по извесно време пауза од социјалните мрежи, сега откри дека едвај го преживеала породувањето поради обилно крварење, пренесува „PageSix“.

34-годишната Ешли се породила дома на почетокот на годината и на свет донела две прекрасни момчиња, Малахи и Роман. Иако дотогаш на своите профили водеше „дневник за бременоста“, по породувањето ги извести своите обожаватели дека ќе им посвети малку време на децата и на своето закрепнување.

Сега таа за „PageSix“ откри некои детали од породувањето, меѓу другото, дека тоа се случило во нејзината бања, поточно во када, по што ѝ се слошило. Во тие моменти, Ешли била опкружена со „тим од вешти и обучени професионалци“ и нејзиниот сопруг Џастин Ервин, а како што откри се сеќава само како во еден момент поцрнела и „ги видела ѕвездите“. Кога се освестила, манекенката тврди дека насекаде имало крв, а подоцна дознала дека изгубила „литри“.

„Не сакаа да ми кажат дека една од акушерките морала да ме преврти и да се обиде да го запре крварењето, а јас имав проблем со вената на раката и не можеа да ми вметнат игла“, раскажа Греам.

Иако момчињата биле добро, Ешли останала врзана за кревет следните четири дена и не можела да оди во следните седум.

Таа поминала два месеци дома, а тешкото породување го навести со својата објава на „Твитер“, пишувајќи: „Ми треба време да се опоравам и да се поврзам со сопругот и момчињата. Ова не беше лесно, но вредеше“, напиша таа во тоа време.

Покрај близнаците, Греам и нејзиниот сопруг го имаат и двегодишниот син Исак, а по него во 2021 година, манекенката доживеала абортус. Моделот ја нарече загубата „погубна“, велејќи дека тоа било една од најголемите загуби што ги доживеала во животот.

Видео на денот