Позната судбината на Зидан, ќе ја заврши сезоната и ќе заменет со тренерот на Ривер
Тренерот на Реал Мадрид, Зинедин Зидан, ќе ја заврши сезоната на клупата на „кралскиот“ куп и покрај срамната елиминација во Купот од третолигашот Алкојон.
Претседателот на Реал Мадрид, Флорентино Перез заедно со управниот одбор одлучиле дека Зидан ги потрошил сите кредити и ќе му дозволат да ја заврши сезоната на клупата бидејќи екипата треба да игра во осминафиналето во Лигата на шампионите, но и дека не се загубени сите шанси за титулата.
Но, покрај овие написи на шпанските медиуми, од Аргентина доаѓа вистинска бомба, тренерот на Ривер Плата, Марсело Галјардо ќе биде наследникот на Зидан.
Депортес Кватро објави дека Перез веќе имал контакти со претставниците на Галјардо и ги известил дека сака од следната сезона тој да седи на клупата на Реал Мадрид.
Галјардо од 2014 година седи на клупата на Ривер Плата досега освои грст трофеи како Копа Судамерикана (2014), Рекопа Судамерикана (2015,2016,2019), Копа Либертадорес (2015,2018), Копа Аргентина (2016,2017,2019), Супер куп на Аргентина (2017) како и титулата во аргентинскиот шампионат (2015).