ВИДЕО: Познат нарко-бос убиен во центарот на Тирана
Во центарот на Тирана утринава е убиен 66-годишен маж, за кого медиумите наведуваат дека е познат нарко бос.
Тој бил убиен со огнено оружје со пригушувач, а како што пренесува АБЦ Албанија, станува збор за Бехар Суло Софија кој и е добро познат на полицијата заради своите криминални активности.
Man found shot in #Tirana dies in hospital
➡️https://t.co/XIxCB1eGVS pic.twitter.com/j4I7f6o7AE
— Euronews Albania (@EuronewsAlbania) February 25, 2021
Бехар бил уапсен пред неколку години заради шверцување на десетина килограми дрога од Турција во Албанија, а беше вмешан и во инцидентот во Драч во 2009 година во кој беа убиени четири полицајци.
Полицијата наведува дека неговото убиство било добро организирано, како и дека се претпоставува дека убијците пукале од автомобил во движење.
Истрагата е во тек, а полицијата ги прегледува надзорните камери поставени на локацијата каде бил убиен.