Познат музичар во воз заборавил виолина вредна 320.000 долари: Набргу добил порака на Твитер (ВИДЕО)
Вредна виолина, стара 310 години, која британскиот музичар Стивен Морис ја заборавил во воз пред скоро две недели, му била вратена под неверојатни околности.
Виолината е инаку еден од неколку инструменти кои биле изработени од врвниот мајстор Давид Теклер во 1709 година.
Морис ја заборавил виолината во воз во Лондон и со велосипед заминал да го помине остатокот од патот. Полицијата преку надзорни снимки успеала да дојде до човекот за кого се сомневало дека ја земал виолината вредна околу 320.000 долари.
– Очаен сум што ја изгубив, не само заради нејзината вредност, таа е мојот живот, рекол тогаш Морис.
Меѓутоа, набргу добил порака на Твитер.
#NewProfilePic pic.twitter.com/byl8PLIAJP
— stephen morris (@stephen55649619) November 2, 2019
– Го препознавам човекот на снимката, мислам дека тоа е некој кого знам, можам да помогнам. Знам како е кога ќе заборавите нешто вредно во воз, гласела пораката.
Се испоставило дека човекот кој ја испратил пораката е тој кој го земал инструментот.
Мажот кој се претставил само како Џин, се договорил со Морис да се најдат на паркингот кај железничката станица Бекенхем.
Џин веројатно не очекувал дека полицијата го набљудува.
Сепак, против него нема да биде покренато никакво обвинение, бидејќи ги преземал сите чекори за да му ја врати виолината на Морис.
„Беше многу љубезен и се извинуваше. Беше тоа „џентлменска размена“, рекол Морис кој за време на својата кариера работел на музика за филмовите за Џејмс Бонд и „Господар на прстените“, а снимал музика и со Дејвид Боуви и Стиви Вондер.