Позитивни оценки на Мицотакис и Сакералопулу: Грција до утре ќе има 200.000 вакцинации против ковид-19
Задоволство со начинот на кој се одвива процесот на вакцинација во земјата, изрази грчкиот премиер Кирјакос Мицотакис за време на средбата со претседателката на Грција, Катерина Сакеларопулу и објасни дека вчера биле вакцинирани речиси 20.000 граѓани, додека пак денеска или најдоцна утре ќе стигнат до вкупно 200.000 вакцинации, јави дописничката на МИА од Атина.
Грчкиот премиер истакна дека процесот на вакцинација може да се спроведува и побрзо, но целосно се зависни од бројот на вакцини што земјата ги добива.
Мицотакис ги опиша како „многу емотивни сликите со возрасни граѓани кои со импресивна доследност се придржуваат до закажаните термини за вакцинација”, додека пак Сакералопулу истакна дека „даваат лекција на хуманост и одговорност” и изрази надеж дека „нивниот пример ќе го следат сите граѓани, дури и оние кои сè уште се против вакцинација”.
И Мицотакис и Сакеларопулу оценија дека епидемиолошките податоци во Грција се многу подобри во споредба со повеќето европски земји.