Пожарот на Јабланица под котрола, нема опасност за куќите

Шумски пожар / Фото: МИА

Пожарот што трет ден е активен на планината Јабланица, во близина на селото Вишни, е ставен под котрола, информира командирот на Територијалната против пожарна единица во Струга Фети Мазари.

На терен, како што изјави за МИА, била една екипа со противпожарно возило и тројца пожарникари, како и две екипи на шумското претпријатие „Јабланица”.

– Теренот е непристапен има многу гранки и екипите неможат да стигнат, сега е само под котрола. Далеку е од селото и непостои опасност за зафаќање куќи, појасни Мазари, посочувајќи дека вчера побарале помош од ЦУК за воздушно пристапување и гасење на пожарот.

Меат Куртиши командир на смена во ТППЕ Струга, посочи дека пожарот најверојатно е почнат од полето, зафатил сува трева и борова и дабова шума.

Тоде Малески од Центарот за управување со кризи од Струга истакна дека чекаат најнови информации за состојбата на терен за натамошно делување.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот