Пожарите го расплакаа Кирјос: Ова е посилно од тенисот (ВИДЕО)
Австралискиот тенисер по првата победа во новата година зборуваше за пожарите кои беснеат во Австралија.
Ник Кирјос новата година ја започна со победа над Германецот Јан-Ленард Штруф во два сета со 6:4,7:6. Кирјос кој е познар по своите испади на тениските терени, сега на покажа својата емотивна страна и се расплака додека даваше интервју на теренот. Кирјос претходно најави дека за секој ас сервис кој ќе го отсервира на АТП купот ќе донира во 200 австралиски долари.
Причина за емотивниот крах на Кирјос се големите пожари кои беснеат во неговата родна земја во која досега има 17 човечки жртви, а се изгорени и над 6.000 станбени објекти и куќи и изгорени се неколку стотици милиони животни.
– Не ме интересираат пофалбите, ние сме во позиција да направиме нешто. Во мојот роден град Канбера моментно го има најтоксичниот воздух на планетата и тоа е навистина тажно. Сите пари одат за семејствата, пожарникарите, животните, за сите кои ги загубија своите домови, семејства. Ова што се случува е посилно од тенисот – изјави Кирјос.
This is emotional.
?? @NickKyrgios talks about the bushfires in Australia after his @ATPCup victory in Brisbane.#ATPCuppic.twitter.com/Gt3d253RXw
— ATP Tour (@atptour) January 3, 2020