Пожари во Калифорнија: Уништени над четири милиони хектари земјиште од почетокот на годината
Во шумските пожари што од почетокот на годината ја зафатија американската сојузна држава Калифорнија досега се уништени над четири милиони хектари земјиште, соопштија денеска противпожарните власти.
Од јануари до денеска, во Калифорнија се забележани пет од шесте најголеми пожари во историјата по бранот на топол воздух и бури проследени со силни грмотевици, но без дожд што ја погодија државата за што научниците како причина го наведуваат глобалното затоплување.
Најмалку 31 лице загина, а повеќе од 8.454 куќи и други објекти се уништени во огнените стихии.
Калифорнија во периодот од 2010 година до 2017 година се соочи со суша што доведе до заболувања наезда од инсекти кои уништија повеќе од милион стебла.
Продажбата и изградбата на куќи е во пораст во периферните населби и пошумените делови во кои и претходно имаше пожари. Во областа Напа, во која се наоѓаат светски познатите виногради, во пожарите се оштетени десетици винарии.