Егзибицискиот тениски турнир во германскиот град Хер-Гренцхаузен се игра според посебни правила.

Овој турнир започна во петокот, прво натпреварување на тениски професионалци од почетокот на март, од кога тениската сезона е во прекин во сите категории поради пандемијата на коронавирус.

На мечевите нема собирачи на топки, а на теренот се наоѓаат само играчите и судијата на стол.

I think we will just leave this here. Dustin Brown, take a bow ?? #BringingTennisBack #trickshot #unbelievable pic.twitter.com/YmQanRMCyK

— exo_tennis (@exo_tennis) May 2, 2020

Помеѓу професионалците кои се пријавија се Јаник Ханфман и Дастин Браун. Во нивниот дуел, одигран во саботата, триумфираше Ханфман, 143. на АТП листата, со 4:3 (7:4), 4:0.

Сетовите се скратени на четири освоени гема, со „тај-брејк“, доколку резултатот во сетот е 3:3. Наградниот фонд на турнирот е 25.000 илјади американски долари.

Германската тениска федерација (ДТБ) планира од јуни да организира серија на слични турнири на кои би учествувале по 32 тенисери и 24 тенисерки, пренесува агенцијата „Хина“.

Меѓународната тениска федерација (ИТФ) во саботата објави упатства за санитарни мерки во текот на турнирите, кога тоа повторно биде можно, спрема кои секој од тенисерите имаат свои топчиња за сервис, а собирачите на топчињата ќе носат маски и ракавици латекс.