ПОВТОРНО НА ВРВОТ: Договорот со Пентагон му помогна на Гејтс да го престигне Безос!

EPA-EFE
фото: EPA/OLIVIER HOSLET

Коосновачот на Мајкрософт, Бил Гејтс, во петокот го престигна основачот на Амазон, Џеф Безос, на листата на најбогати луѓе на светот, првпат после повеќе од две години.

Њујоршката агенција Блумберг информира дека зад успехот на Гејтс делумно стои Пентагон, откако на 25 октомври, објавиле дека ќе склучат договор со Мајкрософт вреден 10 милијарди долари.

Акциите на Мајкрософт од тогаш пораснаа за четири отсто, а богатството на Бил Гејтс се зголеми на 110 милијарди долари.

Од друга страна, акциите на Амазон забележале пад за околу два отсто, откако Мајкрософт го склучи овој договор со Пентагон.

Вкупното богатство на Безос моментално се проценува на 108,7 милијарди долари.

Индексот на милијардери на Блумберг, кој го мери богатството на 500 најбогати луѓе во светот, се ажурира по затворање на американските пазари, а Гејтс минатиот месец на кратко ја зазема првата позиција на таа листа, откако Амазон соопшти дека по првпат во две години се соочуваа со губење на профитот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот