Повторно хаос во Хонг Конг: Демонстранти кршеле прозори, полицијата употребила солзавец (ВИДЕО)
Полицијата во Хонг Конг користела палки и солзавец за да ги растера демонстрантите да заземат делови од градот, пред годишнината од предавањето на поранешната британска колонија на Кина.
Демонстрантите планираа да ја попречат годишната церемонија со подигнување на знаме, на која денеска присуствуваа високи претставници од Хонг Конг и Кина.
Неколку стотици претежно млади, маскирани, беа во првите редови на овој настан, што се смета за најголема ескалација од 12 јуни, кога 5.000 полицајци пукаа со гумени куршуми во текот на судирот.
Демонстрантите користеле метална количка за да пробијат низ прозорецот влез во зградата на законодавниот дом.
Protesters in Hong Kong are trying to break into a government building, using a metal cart as a battering ram.
The escalation comes ahead of a planned demonstration marking the anniversary of the city's return to Chinese rule: https://t.co/ipCzKtcyju pic.twitter.com/7ouG1I4Px5
— CNN International (@cnni) July 1, 2019
Во пресметката на полицијата со демонстранти има повредени.
Денеска е 22-годишнината од предавањето на Хонг Конг на Кина, а демонстрантите најавиа масовни собири за доцна попладнето.
Протестите се одржуваат на секоја годишнина од враќањето на Хонг Конг под власта на Кина, но оваа година со поголем број демонстранти поради незадоволство на граѓаните од владиниот предлог-закон, со кој овозможува екстрадиција на осомничени на Пекинг.
Во текот на претходните два протести, според проценката на организаторите, учествуваа повеќе од милион луѓе.