Повторените парламентарни избори во Киргистан ќе се одржат на 20 декември, објави Централната изборна комисија.

– Членовите на Централната изборна комисија денеска одлучија повторените избори за парламентот на Киргистан ќе се одржат на 20 декември, рече портпаролот на Комисијата.

Тој додаде дека подготовките за одржување нови избори почнуваат денеска.

Киргистанскиот претседател Соронбај Женбеков минатата недела поднесе оставка, по немирите што ја тресат земјата од 4 октомври.

Женбеков претходно го назначи Садир Жапаров, политичар кој побара негова оставка, за нов премиер во обид да се стави крај на политичката криза што ја зафати земјата.

Valid kah ini

Setelah presiden kirgistan mengundurkan diri

Warga Kirgistan masuk ke istana kepresidenan dan memporak porandakan isinya.

Dengan alasan tak ingin ada pertumpahan darah, Presiden Kirgistan akhirnya mengundurkan diri. pic.twitter.com/V2OdxasIrr

— Aku Adalah Aku (@HambaAllah_411) October 16, 2020

Немирите во Киргистан избувнаа по објавувањето на резултатите од парламентарните избори одржани на 4 октомври, кога илјадници незадоволни луѓе се собраа во центарот на Бишкек и упаднаа во зградата на Владата и Парламентот и се судрија со полицијата.

Општ хаос по оспорените резултати од изборите во Киргистан: Кога бандитството царува, дружиниките го чуваат редот

Претседателот на Киргистан е обвинет за учество во местење на резултатите од парламентарните избори и за купување гласови, како и за заплашување на гласачи.

Централната изборна комисија ги поништи изборните резултати по насилните демонстрации, а два дена подоцна, Женбеков прогласи вонредна состојба во главниот град и ѝ нареди на армијата да воведе ред.

(Извор: МИА)