Повредите ја сардисаа Србија пред Мундобаскет – Слободен печат
КошаркаСпорт

Повредите ја сардисаа Србија пред Мундобаскет

Втора повреда во таборот на Србија во последната недела, непосредно пред стартот на Светското првенство во Кина.

Репрезентацијата на Србија која е еден од неколкуте фаворити за триумф  на Светското првенство во кошарка кое од 31 август до 15 септември ќе се игра во Кина, ја победи Турција но се чини дека загуби уште еден кошаркар. Србија со 87:72 ја совлада Турција на Акрополис Купот, но селекторот Александар Ѓорѓевиќ нема многу причини за славење бидејќи се повреди Драган Милосављевиќ. Тој во борба за топката незгодно доскокна и веднаш се пожали на болки на левото колено. Се уште нема информации за степенот на повредата, но доколку Милосављевиќ е тешко повреден, тоа ќе биде втор кошаркар кој за една недела, по Милош Теодосиќ, кој нема да биде дел од репрезентацијата на Мундобаскетот во Кина.
– Тешко е да се зборува за кошарка по овој натпревар. Сите мисли ни се насочени кон Милосављевиќ со надеж дека повредата не е сериозна – изјави селекторот Ѓорѓевиќ по натпреварот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close