Повредени шест лица со потекло од Македонија во тешка сообраќајка на автопатот Суботица- Нови Сад
Македонски државјани се повредени на автопатот Суботица – Нови Сад, во близина на клучката кај Бачка Топола во тешка сообраќајна несреќа во која учествувале две патнички возила, а дури девет лица се повредени. Несреќата се случила вчера околу 12,45 часот, објавуваат српски медиуми а пренесува 24 вести.
Несреќата се случила кога возачот на патнички автомобил БМВ со британски регистарски ознаки изгубил контрола над возилото поради неприлагодена брзина и густ сообраќај и удрил во задниот дел на „опел зафира“ со белгиски регистарски ознаки, кој бил запрен на лентата за застанување поради дефект, јавува РТВ.
Шест учесници во несреќата, родители со четири деца, државјани на Белгија со потекло од Македонија, биле пренесени во болниците во Врбас и Суботица. Децата и нивниот татко се полесно повредени, додека мајката е потешко повредена, се здобила со фрактура на карлицата.