Повеќето Австријци се против враќањето на Курц на функцијата канцелар

Фото: EPA-EFE/ALESSANDRO DELLA VALLE

Големо мнозинство Австријци се против враќањето на Себастијан Курц на функцијата канцелар, покажа анкетата на јавното мислење на Институтот „Јуник Рисрч“ (Unique Research).

Според анкетата, 73 проценти од Австријците сметаат дека лидерот на Народната партија на Австрија (ОВП) не треба повторно да стане канцелар.

Само 22 отсто од испитаниците би сакале да го видат „камбекот“ на Курц во блиска иднина. Приврзаниците на ОВП, 69 отсто од нив, го поддржуваат Курц и сакаат тој да се врати на чело на Владата. Курц мораше да поднесе оставка поради покренување истрага против него за проневера и поткуп.

Анкетите на јавното мислење покажуваат и дека мнозинството Австријци веруваат дека сигурно има нешто зад обвинувањата.
Само 23 отсто се со став дека обвинувањата се невистинити.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот