Повеќе десетици Иранци протестираа во Техеран поради недостиг на вода
Повеќе десетици Иранци денеска протестираа во Техеран во рамките на немирите поради недостигот на вода во југозападниот дел на земјата.
Демонстрантите, кои маршираа по авенијата Јомхури Ислами, ја повикаа полицијата да се приклучи на протестот. Протестот помина мирно и не дојде до немири.
Полудржавната новинска агенција Фарс јави дека се одржале демонстрации и ги обвини демонстрантите за прекинот на електричната енергија во блискиот трговски центар.
Немирите поради недостигот на вода со денови траат во провинцијата Кузестан, која е богата со нафта, и во која живеат претежно етнички Арапи кои ја обвинуваат иранската шиитска теократија за дискриминација.
Скоро пет милиони жители на Кузестан немаат пристап до чиста вода за пиење, тврдат ирански активисти за човекови права.
