ПОВЕЌЕ ПАСОШИ ОД ЛУЃЕ: Во Црна Гора се издадени 20.000 пасоши повеќе од бројот на граѓани

Фото: Миа.мк

За 11 години, од 2008 до 2019 година, во Црна Гора се издадени вкупно 643.479 пасоши, или околу 20.000 повеќе од вкупното население од 620.000, соопшти денеска црногорското Министерство за внатрешни работи, по повод една деценија визна либерализација.

– Веројатно проблемот е во статистиката, бидејќи разликата од 20.000 е многу голема. Можеби проблем е бројот на луѓе кои живеат надвор од Црна Гора а имаат црногорски пасош, онаму каде можат да имаат две патни исправи. Мислам на црногорската дијаспора, луѓе кои не се регистрирани во матичната земја туку во онаа каде живеат, работат и плаќаат даноци, изјави професорот по социологија Срѓан Вукадиновиќ за „Новости”.

Тој додава дека проблемот може да е и во пописот на населението, бидејќи според статистичките податоци во Црна Гора има повеќе граѓани од домаќинства.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот