Лидерот на Движењето Самоопределување, Албин Курти денеска се сретна со кандидатката на Демократксиот сојуз на Косово, Вјоса Османи за премиер, како и со лидерот на партијата Иса Мустафа.

Средбата била со цел да се разговара околу формирањето на владата меѓу двете партии победнички во изборите, јавува Лајми.нет.

Османи и Курти информирале дека постигнале договор за заедничко владеење.

И Курти истакна дека договорот бил постигнат, но дека досега не било разговарано за посебни имиња и функции.

– Косово загуби многу време и очекувањето на граѓаните е многу големо. Почнавме преговори за една што поефикасна влада и што поилна држава – изјавил Курти.

Тој исто така информираше дека во наредните денови ќе има други средби со ДСК за да се разговара околу владината програма.