Потврдени уште две трки во Формула 1
Патеката Муџело во Тоскана ќе биде во септември домаќин на трка во Формула 1 шампионатот. Големата награда на Тоскана (Италија) е закажана за 13 септември, една недела после трката во Монца.
Патеката Муџело каде што домаќин е Ферари, таа трка ќе биде 1000 јубилејна за италијанскиот тим. Таа патека, која се наоѓа на 32 километри од Фиренца, никогаш досега не беше домаќин на Ф1 трка, но на неа се возеа трки од Мото ГП шампионатот.
Исто така денеска Формула 1 потврди дека на 27 септември ќе се вози и трка за Големата награда на Русија во Сочи.
Тие се деветта и 10 трка кои се потврдени оваа сезона чиј календар се променува поради пандемијата на коронавирус.
Во Ф1 се надеваат дека до крајот на сезоната ќе се возат помеѓу 15 и 18 трки. Изминатиот викенд започнаа возбудувањата со првата трка во Австрија на која славеше Ботас на Мерцедес.
We've added some more dates for your diary ?#F1 pic.twitter.com/SyMuR8w8R6
— Formula 1 (@F1) July 10, 2020