На јужноамериканскиот континент често гледаме брутални испади на навивачите, а сега најнов пример доаѓа од натпреварот во бразилската Серија А лига меѓу градските ривали Интернасионал и Гремио.

Еве за што станува збор. Мајката почнала да се радува на бодот освоен на гости (Интернасионал-Гремио 1:1), на што веднаш и бурно реагирале домашните навивачи.

Одлучија веднаш да ги нападнат, да ги туркаат, употребат сила да го одземат и скинат дресот на детето кое веќе плачеше и заедно со неговата мајка се бореа едноставно не само со цел спречат да им го одземат дресот, туку и да се избегнат уште поголем инцидент.

Домашните „навивачи“ не успеаја во својата намера, но продолжија и натаму да ја туркаат мајката…

Еден од луѓето одговорни за безбедноста на стадионот ја смири ситуацијата, го зеде дресот,  а како што пренесува „Глобо еспорте“ подоцна тој човек им го вратил дресот на мајката и нејзиниот син.

Навистина потресни сцени и доказ дека во Бразил и воопшто во Јужна Америка фудбалот е повеќе од игра…

Веднаш и на социјалните мрежи реагираа и дел од фудбалерите на Гремио и прашаа како да се дојде до контакт со семејството, во намерата да ја покажат солидарноста.