Потрага со среќен крај: По 8 години од исчезнувањето во Рим, пронајдено момче и вратено дома (ВИДЕО)
Благодарение на телевизиска емисија Фернандо е пронајден во Џенова каде живеел како безбедомник заедно со своето куче.
По 8 години во Италија е пронајдено дете, сега веќе момче, кое исчезнало во мај 2012 година.
Фернандо Василе, кој живеел со својата мајка во предградие во Рим, имал 16 години кога исчезнал на патот од училиштето до дома и за него немало никакви вести цели 8 години и покрај потрагите на полицијата и карабинерите, објави дневниот весник Авенире.
Минатата недела, популарната емисија на телевизијата РАИ „Кој го видел“ (Chi la visto) емитуваше прилог, по молба од семејството, за исчезнатото момче, со неговата слика кога бил тинејџер.
Утврдено е дека Фернандо, сите овие години живеел како бездомник во различни делови од Италија, а во последно време во Џенова, каде во центарот на градот, живеел на отворено со своето куче, пишува Авенире.
Оние кои го препознале тврдат дека бил мирен и љубезен, дека не пиел и не се земал дрога, и дека луѓето му носеле храна за него и за кучето.
Откако е пронајдено, сега веќе 24-годишното момче е однесено во куќата на вујкото кој живеел недалеку од Џенова.