Потпишан протокол меѓу Србија и Македнонија во превенција на сообраќајните незгоди

Директорката на Агенцијата за безбедност на сообраќајот на Србија Јасмина Милошевиќ и претседателката на Републичкиот совет за безбедност на сообраќајот во Северна Македонија, Гордана Кожуваровска денеска потпиша протокол за соработка меѓу двете институции.

Протоколот предвидува заемна соработка во превенција на сообраќајните несреќи и заедничко водење кампања.

На потпишувањето на Протоколот присуствуваа и секретарот на Републичкиот совет за безбедност на сообраќајот на патиштата на Северна Македонија, Владимир Лазаров, претседателката на работната група за меѓународна соработка и советник на директорот на Агенцијата за безбедност во сообраќајот на Србија, Лидија Станојевиќ.

Гостите од Северна Македонија ги посетија сите оддели кои се занимаваат со превенција и со лиценцираниот персонал во Агенцијата за безбедност во сообраќајот, бидејќи сакаа да добијат увид на самото место за тоа како работи АБС.

Исто така беше договорено, доколку ситуацијата со коронавирусот дозволи, до крајот на годината да се организира заедничка кампања со цел да се апелира до учесниците во сообраќајот да посветат посебно внимание на возењето за време на зимските услови, соопштија од Агенцијата за безбедност во сообраќајот на Србија.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот