ПОСТРОГИ КАЗНИ ВО ПОЛСКА: 30 години затвор за педофилите

Полскиот премиер Матеуш Моравјецки денеска вети построги казни за сексуално злоставување малолетници, откако беше прикажан документарен филм за злоставување од страна на свештеници.

Премиерот Моравјецки и министерот за правда Збигњев Зјобро на прес-конференција во Варшава изјавија дека Владата го подготвила законот со кој ќе има построги казни за злоставување малолетници.

Според новиот закон, кој треба да го изгласа полскиот Парламент, максималната казна за такво дело ќе се зголеми од 25 на 30 години.

– Секое злосторство, особено педофилијата, уште повеќе ќе биде стигматизирано, отколку што досега беше случај, рече Моравјецки.

„Не кажувај никому“ е името на документарниот филм кој од саботата до вчера имаше повеќе од 8,1 милиони прегледи на Јутјуб. Тој прикажува како свештеници ги злоставуваат своите жртви, а притоа не сноселе никакви последици.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот