Постојат три типа на продолжен ковид: Секој со свој сет на симптоми
Британските научници тврдат дека постојат три различни типа на продолжен ковид, секој со свој сет на симптоми.
Научниците ги истражувале спецификите на 1.459 пациенти со продолжен ковид, што авторите на студијата го дефинираат како чувство на симптоми најмалку 84 дена по инфекцијата, пренесува „Medical News Today“
Откриле, тврдат тие, дека луѓето со продолжена ковид може да се класифицираат во три основни групи.
Оние со невролошки симптоми како што се замор, мозочна магла и главоболки се дел од првата група. Овие симптоми најчесто се наоѓаат кај луѓе кои биле заразени со алфа и делта варијанти.
Во втората група се оние со респираторни симптоми, вклучувајќи болка во градите и отежнато дишење. Ова најмногу го доживеале луѓе кои биле заразени со оригиналната варијанта на вирусот од Вухан.
Во третата група, симптомите се различни и вклучуваат срцеви палпитации, болки во мускулите и промени на кожата, велат научниците од Кралскиот колеџ во Лондон.
„Податоците од истражувањето јасно покажуваат дека продолжениот ковид не е единствен, туку има неколку подтипови“, истакнал водечкиот автор д-р Клер Стивенс, додавајќи дека „разбирањето на предизвикувачкиот агенс и подтиповите може да помогне да се персонализира дијагнозата и третманот“.