Постојат пет варијанти: Откриено како ЕУ планира да ги набави милијардите кои им ги вети на членките како помош против епидемијата
Најдалеку се стигна кога станува збор за данок на пластичниот отпад кој не може да се рециклира.
До 2058 година Европската унија мора да отплати 750 милијарди евра од заедничкиот долг од пакетот за економско опоравување од кризата предизвикана од пандемијата на коронавирус. На годишно ниво, заедно со каматите, тоа се 25 милијарди евра. Бидејќи членките не сакаат да ги зголемата уплатите во европскиот буџет, ќе се обидат да обезбедат средства со воведување на нови даноци.
Ова ќе биде првпат ЕУ да ги крева даноците во поголем обем. Многу работи се уште не се извесни. На маратонскиот самит минатата недела шефовите на ЕУ ѝ наложија на претседателката на Европската комисија Урсила фон дер Лајен да изработи предлози.
1. Данок на пластика
Најдалеку се стигна кога станува збор за данок на пластичниот отпад кој не може да се рециклира. Овој данок треба да биде воведен веќе од први јануари 2021 година, на целата територија на ЕУ. Од тогаш за секој килограм нерециклирана пластика ќе се плаќа данок од 80 центи. Според проценките на ЕК, тоа се најмалку 3 милијарди евра годишно. Членките враќањето на тие пари би го обезбедиле од индустријата за амбалажа. Проблем е во следното: што ефектот на данокот е подобар, тоа количеството на отпад е помало, а со самото тоа и приходите.
2. Дигитален данок
Во првата половина на 2021 година Европската комисија треба да претстави предлог за дигитален данок, кој треба да биде воведен до почетокот на 2023 година и да обезбеди околу 1,3 милијарди евра годишно. Данокот би ги плаќале интернет гигантите, кои ширум светот остваруваат промет од над 750 милиони евра.
3. Трговија со емисии на штетни гасови
Планирано е европската трговија со емисии на штетни гасови да ср прошири меѓународниот авионски и бродски сообраќај. На тој начин, сертификатите за заштеда на СО2 би обезбедиле приходи од околу 10 милијарди евра, проценува ЕК.
4. Данок на производи штетни за климата
До 2023 година постои можност за воведување на казнени даноци на надворешните граници на ЕУ, а за прозводи кои штетно влијаат врз климата, а се увезени од земји надвор од ЕУ со благи прописи за животната средина. Европската комисија од ова очеквуа приход од 5 до 14 милијарди годишно. Проблемот е во тоа што таков данок веројатно не би бил во склад со прописите на Светската трговска организација и би можел да предизвика жестоки судири со Кина и САД.
5. Данок на внатрешниот пазар на ЕУ
Европската комисија уште во мај ја формулираше идејата за воведување на данок за големите компании, активни на севкупниот внатрешен пазар на ЕУ, кои во споредба со малите и средни претпријатија собираат несразмерно поголем профит на внатрешниот европски пазар без граници. Според проценките на ЕК, ова би обезбедило приходи од десет милијарди евра годишно.