Постигнат е историски договор, се огласи Трамп (ВИДЕО)
Американскиот претседател, Доналд Трамп, по потпишувањето на договорот меѓу Белград и Приштина изјави дека Србија и Косово се согласиле за нормализација на економските односи.
Тој го поздравил огромниот напредок што е постигнат. Навистина, ова е историско, се радувам на посетата на двете земји, во не толку далечна иднина, кажал американскиот претседател во Белата куќа.
– Овој договор ќе ги направи овие две балкански земји подобро и побезбедно место, изјави Трамп,
Трамп потенцира дека овие земји сакаат подобра економска соработка во регионот и изрази верување дека тие ќе напредуваат набрзо.
Тој додаде дека Србија ќе ја премести својата амбасада во Израел – во Ерусалим, а Косово дека ќе го признае Израел, како дел од преговорите со посредство на САД.
По церемонијата, Трамп се огласи и на „Твитер“:
„Уште еден ден за кој сите мислеа дека е невозможен. Честитки за српскиот претседател Александар Вучиќ и за косовскиот премиер Авдулах Хоти за посветеноста за економска нормализација. Ова е голем чекор напред кој води кон просперитет и мир на Балканот и во светот. Горд сум што им помагав на овие лидери“.
Another great day for peace with Middle East – Muslim-majority Kosovo and Israel have agreed to normalize ties and establish diplomatic relations. Well-done! More Islamic and Arab nations will follow soon!
— Donald J. Trump (@realDonaldTrump) September 4, 2020
Белград и Приштина објавија дека ги нормализирале економските односи во рамките на преговорите, со посредство на Соединетите Американски Држави, кои, како што наведуваат, вклучуваат преместување на српската амбасада во Ерусалим од страна на Белград и признавање на Приштина од Израел.
По дводневните состаноци со претставници на администрацијата на Трамп, Вучиќ и Хоти се согласија да соработуваат за голем број економски прашања со цел да се привлечат инвестиции и да се отворат нови работни места.
Потпишан економскиот договор меѓу Белград и Приштина во Белата куќа (ВИДЕО)