Поминаа повеќе од 12 месеци откако светот го загуби познатиот диџеј Авичи, но неговото постхумно наследство допрво почнува.

Откако пред три години одлучи дека веќе нема да оди на турнеи, во емотивно писмо до фановите, тој сепак продолжи да прави песни со кои секој може да се поистовети.

Зад себе остави многу речиси довршени песни, како и текстови и пораки кои се дел од овој албум.

По смртта на хитмејкерот, семејството сега одлучи да го сподели неговиот труд со неговите фанови низ светот. Така, на 6 јуни излезе неговиот последен албум.

На ова издание насловено како неговото вистинско име – Тим, се наоѓаат 12 песни, кои тој речиси ги комплетирал пред трагичната смрт.

На иницијатива на семејството, неговите соработници го довршиле албумот, кој неодамна беше најавен со синглот „SOS“.