Посните десерти може да бидат исто така многу хранливи и здрави доколку се употребат вистинските состојки. Комбинацијата на суво овошје со јаткасти плодови и природни засладувачи се неодолива комбинација која ќе ја задоволи вашата потреба за слатко за време на празничните пости.

Овојпат за љубителите на слатки подготвивме здрави, но и посни енергетски бомбици кои можете да ги понесете на работа како совршена ужинка. Доколку сте љубители на црното кафе овие бомбици се совршена комбинација со омилениот утрински напиток.

Состојки:

– 400 г. печени лешници
– 200 г. урми
– 250 гр. брусница
– 400 гр. бела таан алва
– 200 гр. маргарин
– 100 гр.црна чоколада или какао прав

Подготовка:

Печените лешници треба да бидат мелени, но не многу ситно туку на покрупни парчиња. Свежите урми ги сечете на поситни парчиња и заедно со лешниците и брусницата ги ставете ги во подлабок сад.

Во подлабокиот сад додадете ги маргаринот и алвата исечени на помали парчиња. Со раце ја замесувате цела смеса за убаво да се соединат сите состојки.

Со двете раце формирајте топчиња, бомбици кои ќе ги поставувате во хартиени корпи за колачи. Претходно по желба извалкајте ги со рендана црна чоколада или какао прав.

Декорирајте во црна или бела чоколада.

Добар апетит!