Изминатово деноноќие направени се 1.529 тестирања, а регистрирани се 111 нови случаи на Ковид-19 во Скопје – 83, Прилеп – 6, Велес – 5, Кавдарци – 4, Куманово, Тетово, Битола и Крива Паланка по 2 и по еден заразен во Гостивар, Штип, Струмица, Кочани и Гевгелија, информира Министерството за здравство.

Во последните 24 часа починале 15 лица: 5 починати од Скопје (56, 69, 72, 75 и 91 година), по 2 починати лица од Кавадарци (64 и 84 години) и Кичево (54 и 87 години) и по едно починато лице од Велес (72), Берово (56), Гевгелија (64), Кочани (76), Крива Паланка (61) и Струмица (81). Од пријавените лица сите се починати во болнички услови.

Според Регистарот на умрени лица со дијагноза Ковид-19 од „Мој термин“, пријавени се уште 3 починати лица, со датум на смрт од 09.09.2021 до 11.09.2021 година. Починати се 2 лица од Дебар и едно лице од Гостивар на возраст од 56 до 82 години. Од пријавените лица сите се починати во болнички услови.