Менаџерот на легендарниот голман Буфон, Силвано Мартина им потврди на португалските медиуми дека постои понуда од Порто.

И кај италијанскиот чувар на мрежата постои желба и интерес за заминување на Пиринеите. Ова не е нешто ново, бидејќи и пред еден месец се шпекулираше ваков трансфер.

– Да, постои интерес од Порто, од каде што сме контактирани. Буфон сака да брани уште една година, Порто му се допаѓа, но има четири деца и семејство и мора да размисли околу тоа – рече Мартина.

Atalanta atau Porto, Buffon? https://t.co/6LoSAPRdEA

— inilahkoran (@inilahkorancom) June 21, 2019

Кариерата ја започна во Парма, па од 2001-2018 година го бранеше голот на Јувентус, од каде минатата сезона направи трансфер во ПСЖ.

Интересно, но Буфон како едно големо име во фудбалскиот свет е еден од оние кои што се уште немаат почувствувано како е да се освои титула во Лигата на шампионите.

Порто беше второпласиран во португалското првенство, ќе мора преку плејофот како последна пречка да обезбеди настап во групите на ЛШ. Претходно и Аталанта која пак е директно пласирана во групите на ЛШ исто така изрази желба за ангажман на Буфон.