Последна официјална посета на Меркел во Белата куќа
Американскиот претседател Џо Бајден во Белата куќа се сретна со германската канцеларка Ангела Меркел, во најверојатно нејзината последна официјална посета во Вашингтон.
Меркел претходно одржала состанок со потпретседателката на САД, Камала Харис, а планира да се сретне и со други високи американски функционери.
Харис ја пофали „извонредната кариера“ на германската канцеларка, додека пак Меркел изјави дека е среќна што има прилика да се сретне со првата жена потпретседател на САД.
Меркел за време на нејзините мандати, се сретнувала со четири американски претседатели, а со Бајден ќе разговараат за справувањето со пандемијата и зголемувањето на кинескиот и рускиот гасовод.
Посетата на Меркел е првата посета на Европски лидер во Белата куќа откако на власт е Џо Бајден. Тие ќе разговараат и за борбата со која се соочува демократијата, како и за климатските промени.